Клінічны стан свінаматак пры хваробах печані

Abstract

Было праведзена клінічнае даследаванне паросных свінаматак і свінаматак пасля адымання парасят. У паросных свінаматак (90 дзён пароснасцi) і ў свінаматак пасля адымання парасят (3-i дзень пасля адымання) са зменамі біяхімічнага складу крыві, якія характарызуюць біяхімічныя сіндромы цытолiзу, пячоначна-клеткавай недастатковасці і халестазу, адсутнічалі сімптомы, патагнаманічныя для хвароб печані (жаўтушнасць скуры і бачных слізістых абалонак, балючасць печані, змена яе межаў). У свінаматак вызначаны прыкметы анемічнага сіндрому, павялічэнне ўкормленасці (атлусценне), дыярэя, вадкая кансістэнцыя фекалій, наяўнасць у іх прымешак і змяненне колеру. Выяўленне ў свінаматак дадзеных сімптомаў патрабуе правядзення біяхімічнага даследавання крыві з мэтай вызначэння іх узаемасувязі з пячоначнай паталогіяй і распрацоўкі неабходных прафілактычных мерапрыемстваў.