Вырашэнне кадравай праблемы у сферы адукацыi i культуры Беларусi у другой палове 1940-х- пачатку 1950-х гг.

Abstract

Важнейшым накірункам ў культурным будаўніцтве Беларусі ў другой палове 1940-х – пачатку 1950-х гг. было забеспячэнне школ і культурна-асветных устаноў кваліфікаванымі кадрамі. Адкрытыя пасля вайны навучальныя ўстановы, завочныя і вячэрнія аддзяленні пры іх не маглі вырашыць кадравае пытанне ў поўным аб’ёме. Таму галоўная роля пры падрыхтоўцы настаўнікаў і культработнікаў адводзілася шматлікім курсам, якія арганізоўваліся ў абласных і раённых цэнтрах рэспублікі. Нягледзячы на прымаемыя меры, у агульнаадукацыйных школах і культурна-асветных установах, асабліва ў заходніх абласцях Беларусі, назіраўся недахоп кадраў, іх нізкі кваліфікацыйны ўзровень, частая зменнасць, што было выклікана эканамічнымі праблемамі і цяжкасцямі пасляваеннага жыцця.