Гепатапатыі свінаматак: звесткі аб распаўсюджванні па дадзеных паслязарэзнага агляду

Abstract

Пры паслязарэзным аглядзе печані свінаматак ўстаноўлена вялікая колькасць органаў з патолагаанатамічнымі прыкметамі гепатапатый. Іх колькасць вагалася ад 67,06 да 77,86 % ад агульнай колькасці даследаваных печаняў. Сярод хвароб печані свінаматак, выяўленых пры патолагаанатамічным даследаванні, пераважаў таксічны гепатоз. Прыкметы вострага таксічнага гепатозу рэгістраваліся пераважна ў свінаматак з адным апаросам. У свінаматак з двума-трыма, а таксама з чатырма і большай колькасцю апаросаў ў печані вызначаліся змены, характэрныя для таксічнага гепатозу з хранічным цягам. Прыкметы цырозу печані выяўляліся пераважна ў свінаматак з чатырма і большай колькасцю апаросаў. Колькасць печаняў са зменамі, тыповымі для цырозу, былі выяўлены 2,3-5,0 % органаў з прыкметамі гепатапатый. Устаноўленыя тэндэнцыі захоўваліся па-за залежнасці ад магутнасці свінаводчага комплексу, на якім утрымліваліся свінаматкі. Атрыманыя дадзеныя сведчаць аб неабходнасці распрацоўкі і правядзення эфектыўных комплексных прафілактычных (у тым ліку фармакапрафілактычных) мерапрыемстваў.