Утрыманне кетонавых целаў і свабодных тлушчавых кіслот у сываратцы крыві свінаматак пры гепатапатыях

Abstract

У сываратцы крыві свінаматак з рознымі гепатапатыямі вызначалі ўтрыманне β-гідроксімаслянай кіслаты (β-ГМК) і свабодных (неэтэрыфікаваных) тлушчавых кіслот (СТК). З павелічэннем цяжкасці паражэнняў печані адзначалася павышэнне ўзроўню СТК. Змяненне канцэнтрацыі β-ГМК насіла рознавектарны характар: развіццё вострага гепатозу суправаджалася значным узрастаннем колькасці дадзенага злучэння ў сываратцы крыві, а пры гепатапатыях з цяжкім цячэннем назіралася памяншэнне яго канцэнтрацыі ў сываратцы крыві. Устаноўленыя карэляцыйныя ўзаемасувязі паказваюць, што пры пячоначнай недастатковасці зніжаецца функцыянальная здольнасць печані ажыццяўляць в-акісленне тлушчавых кіслот і сінтэз кетонавых целаў. У свінаматак з хранічным гепатозам і цырозам печані адзначалася слабая карэляцыя паміж утрыманнем у крыві СТК і β-ГМК. Дадзеныя змяненні ўказваюць на развіццё энергадэфіцыту і прыгнёт сінтэтычнай функцыі печані.